ရှာပုံတော်

မနက်လင်းတိုင်း
ရထားတဲ့ လူ့အဖြစ်ကိုတွေးရင်း
မျက်နှာသစ်ရေဟာ မအေးဘူး
ပွါးတဲ့တရားဟာ မငြိမ်းဘူး။

ဘာတွေဖြစ်လို့ ဖြစ်နေပြီလဲ
ဗောဓိညောင်တွေ ဝေေ၀စည်တဲ့အရပ်မှာ
ဗောဓိရွက်တွေ သဲသဲလှုပ်ကြွေနေပြီ
အပူရှိန်က ပြင်းတော့
သစ်ပင်တွေလို ဘ၀တွေက မစိမ်းဘူး။

လူသားအဖြစ်ဟာ ရသာရှိပုံပဲ
ကျမ်းစာတွေနဲ့တော့ တခြားစီ
ကံကြမ္မာဟာ ဒီအရပ်ဝန်းမှာပဲ ကွက်ကြားပူတယ်။

ရှည်ရှည်ဝေးဝေး ဘာမှမပြောတော့ဘူး
သားသည်အမေက သားကိုရိုက်လို့
သားသည်အမေကို လောကဓံကရိုက်လို့
လောကဓံကို ခေတ်ကရိုက်လို့
ခေတ်ကို “လူတစ်စု”ကရိုက်လို့
ငါတို့ဟာ လူသားတွေပါ
ငါတို့ရှာခဲ့တာ နှင်တံတွေ မဟုတ်ဘူး
ငါတို့ရခဲ့တာ ထမ်းပိုးတွေ။ ။

နေမွန်းသင်
၆.၁၀.၀၇