Tuesday, October 23, 2007

ပျောက်ဆုံးနေတဲ့ည

အဲဒီညမှာ

ညဟာ ညဆီကိုပြန်မလာတော့ဘူး။


အိမ်ပြန်လမ်းကို မှန်းရင်း

တို့မောင်နှမတွေ အိမ်ပြန်တဲ့ချိန်

ငါတို့အိမ်ကလေး မဲမဲမှောင်လို့

လူမြင်မှာစိုးတာနဲ့

အသံတွေကို ရင်ဘတ်ကြားဖွက်ခဲ့ရတယ်။


ညခွေးတွေ ဆွဲဆွဲငင်အူတဲ့ညထဲမှာ

ညကိုညလို အသုံးချဖို့

ညထက်မှောင်တဲ့လူတစ်စုက ညကိုခိုးသွားကြတယ်။


ညပျောက်သွားတဲ့ညဟာ

ညမရှိတော့တဲ့ညလို သွေးပျက်ဖွယ်အနံ့တစ်မျိုးနဲ့

ပွင့်လက်စပန်းကလေး သွေးလန့်သွားတယ်

စီးနေတဲ့စမ်းချောင်းကလေး သေဆုံးသွားတယ်

ကြားနေကျတရားသံလေး ကျကွဲသွားတယ်


တစ်ဘ၀စာလုံးလုံးပါ

ညဟာ ညပီပီသသ

ညဆီကို ပြန်ရောက်မလာတော့ဘူး ။

နေမွန်းသင်

၂၃-၁၀-၀၇


No comments: